غالي يا فلسطين غالي
غالي و ترابك غالي
غالي ومش مكفي مالي
مش قادر انا على غلاك
بيقولو البنزين رح يولع
و جرة الغاز رح تفرقع
و البيض فقسّت اسعاره
حتى الجاجة حست بناره
و بيقولو الدهب غالي
طب مال الدهب و مالي؟
هو انا طايل صحن الرز؟
الله يرحم ايام العز
عاللحمة كنا نمز
و نحلّي وراها بمقالي
الخمسين ركبت جنحات
والميتين بتفرطها خمسات
و المية بالجيبة ما بتبات
و العشرة ما بتشتري كت كات
يا زلمة قرفت حالي
جدي بقول بالزمنات
كنا نحلب هالعنزات
و ناكل من لبن البقرات
و نزرع شوية قمحات
و هادين البال نبات
ما يهمنا طول الليالي
شو تركنا لولادنا عيشة؟؟
اكلتولنا الجاجة و الريشة
ما ضل غير ندخن هيشة
الفيسروي سعره عالي
يا فلسطين ما اغلاك
و يا محلا شمسك و سماك
كان غلاك بقلوبنا
و صار هلأ ع جيوبنا
بس بتضلك محبوبنا
و هواك ع قلبي غالي